Asoc. Cult. "Segredos de Pantón"

Cans do Castro

Hoxe temos a sorte de poder falar con "Cans do Castro" un centro de cría e gardería para cans situado na parroquia de Mañente. Se queredes saber máis sobre esta empresa que coida e atende aos nosos amigos peludos, xa sabedes a ler esta interesante entrevista!

SdP: Imos comezar a entrevista cunha serie de preguntas rápidas:

​

- Cando comezou esta aventura?

Empezamos no 2022 cas obras das instalacións e en abril do 2024 xa puidemos abrir cara o público.

- Como están a ser os inicios desta actividade?

Bueno a verdade que os inicios sempre se fan complicados, pero pouco a pouco a xente vainos coñecendo e unha vez que proban, quedan moi contentos.

- Onde estades situados?

Estamos na aldea de Mañente, no municipio de Pantón, a 5 minutos de Monforte de lemos.

- Sodes máis de can grande ou pequecho?

Niso non temos preferencias, a verdade que poder ter ambos é unha gozada.

- Sempre fóstedes máis de can que de gato?

Son dous animais completamente distintos, de ámbolos dous aprendes moito. Ao final, o can é o mellor amigo do home, aínda que moitos gatos tamén poden ser un gran amigo e un membro máis da familia.

SdP: Explicádenos o que ofertades para alguén que non vos coñeza.

CdC: Somos unha Residencia Canina e Centro de Cría, no ámbito de Residencia Canina ofrecemos varios servicios, hotel, gardería e perruquería. O servicio hotel é para persoas que queren contar con nós para tempadas curtas ou longas. A gardería está máis pensada para poder pasar unhas horas ao día, é un servicio para aquela xente que por motivos laborais non pode ocuparse da súa mascota. Alén diso, tamén contamos con perruquería para os nosos hóspedes. Despois temos o Centro de Cría, xa que nos dedicamos asimesmo á cría selectiva de varias razas.

Unha imaxe de Zeltia, ao carón do mar.

SdP: Contádenos como xurdiu a vosa idea de empresa?

CdC: Dende sempre tivemos unha gran paixón polos animais e ese foi o motivo de montar Cans do Castro. A cría xa levamos moitos anos adicándonos a ela. En canto á residencia, vendo un pouco o nivel de vida que estamos a levar as persoas e que cada vez hai máis cans nas nosas casas, pensamos que era necesario poder darlle esa estancia aos máis peludos.

SdP: O voso servizo de gardería é un dos poucos da contorna. É moi estacional ou non? Que tipos de clientes acuden máis a vós?

CdC: Si temos as tempadas altas: Nadal, Semana Santa e verán. O noso tipo de cliente máis usual é aquel que ven a pasar uns días na contorna da Ribeira Sacra. Logo temos o cliente comarcal que por motivos laborais e vacacionais conta con nós.

​

SdP: Os servizos que prestan de gardería están cada vez máis en auxe?

CdC: Creo que estamos nun momento no que vemos que poder compartir a nosa vida ao lado dos nosos cans é algo moi especial e por iso que cada vez hai máis cans como usuarios. É indispensable xa que estamos nun mundo en continuo movemento. Ademais a lei cambiou e agora non se pode deixar as mascotas varios días soas e aí estamos nós para poder darlle o seu segundo fogar.

Hosòtal público da Mariña, onde traballa Zeltia. Imaxe: Sergas.

SdP: Vimos que tamén sodes centro de cría. En que consiste? Dalgunha raza en específico? Aínda hai demanda malia o gran número de animais que hai presentes nos refuxios?

CdC: Facemos dende fai moitos anos a cría selectiva de Pomerania, Golden Retriever e agora vamos comezar con Cane Corso. Aquí tratamos de seguir conservando a raza e definindo os rasgos físicos máis orixinais destas, buscamos unha genética limpa de enfermedades contaxiosas, como pode ser displasia por exemplo.

Os nosos clientes buscan obter esa raza en concreto e témolos desde pequenos, xa que é moi importante educalos desde os inicios. Se estas buscando un can e che igual a súa expresión física, a xenética e o comportamento da raza, a mellor opción é acudir a un refuxio. Por desgracia aínda hai moitos cans en refuxios, pero non nos podemos esquecer que tendo unha cría responsable e controlada e unhas leis que funcionen, esas son as mellores armas para combatir o abandono.

SdP: Plantexades algún servizo máis que poidades prestar aos vosos clientes?

CdC: Temos varias ideas, todas elas engloban a axuda a través dos cans e o entorno, para aqueles cativos con problemas que o necesiten.

SdP: Como pode un propietario contactar con vós e por que recomendariades que vos escolleran?

CdC: En Cans do Castro intentamos darlle o mellor as vosas mascotas, aquí están nun espazo

libre e controlado, temos varias zonas preparadas e acotadas, divididas para cans grandes, pequenos e para os que son conflictivos. Aquí poderán socializar, xogar sempre ca nosa supervisión e mantendo o cliente informado. Ademais tamén facemos recollida e entrega a domicilio e contamos co servicio de perruquería para aqueles que queiran recoller a súas mascotas limpias e peiteadas.

Para máis información e fotos das instalacións podédesnos encontrar na nosa páxina web www.cansdocastro.es e tamén nas redes sociais Instagram e Facebook como “cansdocastro”. Aí poderán coñecernos e contactar.