Entrevistas 2022
Asoc. Cult. "Segredos de Pantón"
Hidroeléctrica de Siós
En Pantón, temos un gran número de hidroeléctricas en diferentes cursos de rego de auga. Así no río Ferreira, na freguesía de San Martiño de Siós, na marxe esquerda existiu unha fábrica da luz. De seguido contámovos a historia que puidemos averiguar deste lugar e diferentes datos!
A información que puidemos obter é que o seu promotor foi Joaquín Fernández Buján. Así no ano 1937 o dono da hidroeléctrica solicitou o seu proxecto de explotación do río Ferreira. Así saiu publicado no Boletín Oficial da Provincia de Lugo, onde o mércores 6 de outubro pubícase a solicitude de Fernández Buján de establecer a súa industria na parroquia de Siós.
Na publicación do proxecto detallábase que íase a empregar un caudal de 1.000 litros/segundo.
Dita solicitude foi publicada en outubro pero foi presentada o 2 de agosto, tras un minucioso estudo da documentación. Apos da presentación contábase cun prazo de 30 días hábiles para presentar alegación algunha.
O 1 de marzo de 1939, dous anos despois saía publicada a aprobación da concesión de aproveitamento de auga para uso enerxético.
Destacar que daquelas o órgano responsable dos cursos fluviais non era a Confederación Hidrográfica Miño Sil pero a División Hidráulica do Norte de España.
Deste xeito dictaban unha serie de normas e preceptos a seguir polo señor Fernández, entre as que podemos destacar:
- A construción dunha canle, a modo de escaleira, e reixas para os peixes. A fin de contribuír o mantemento da fauna do río.
- Volume máximo diario de 1.000 litros/segundo, sendo un total de
- A cota da présa respecto á fiestra máis próxima ao encoro será de 8,17 metros de altura.
- O lugar onde realizáronse as obras da central é o denominado "Ponte de Goá".
- A concesión terá vixencia por 75 anos, tendo rematado en 2014!
- En ningún caso poderán alterar o curso natural do río Ferreira.
Trala aprobación da concesión e comezar a explotar esta hidroeléctrica estaría funcionando dende 1939 ata mediados dos anos setenta. Mesmo polo ano 1978 comentaban diversos veciños que os postes de luz para levar a electricidade dende a sala de máquina ata as aldeas estaban tirados nos prados tirados.
A día de hoxe os elementos que son aínda conservados desta antiga fábrica da luz son: casa de máquinas, présa e a canle dende esta ata as instalacións da fábrica da luz.
A continuación unhas imaxes destes elemtos:
Imaxe dende o camiño do edificio da central.
Imaxe en detalle da porta de acceso da edificación.
Fotografía da comporta na présa situada no curso do río Ferreira.
Imaxe da présa no río Ferreira, na parte esquerda da présa está a comporta e a canle para levar a auga ata a fábrica da luz.
Arriba e abaixo vemos sendas imaxes da canle que era a encargada de levar a auga dende a presa ata a sala de máquinas.
