Entrevistas 2022
Asoc. Cult. "Segredos de Pantón"
Que é Segredos de Pantón ?
É un colectivo nado o 6 de outubro de 2016, que logo no 2019 formalizouse en asociación cultural.
Obxectivos
Segredos de Pantón, dende os seus comezos como colectivo ata converterse en asociación cultural, sempre mantivo e mantén unha serie de obxectivos que son a súas liñas directrices:
- Promoción, defensa e loita polo medio rural.
- Defensa e promoción da nosa lingua galega.
- Posta en valor do patrimonio, tanto material coma inmaterial de Pantón.
- Conservación e defensa da natureza.
Código interno
Rexeitamento rotundo do machismo, a homofobia, o racismo e calquer outra forma de discriminación. O incumprimento desta norma fundamental suporá a expulsión de por vida do proxecto.
A lingua oficial da asociación é o galego, o que significa que todas as publicacións ó público se farán nesta nosa lingua.
Defensa da natureza e a loita pola súa protección, o que nos pode levar a adherirnos a movementos en prol desta.
Sempre pretenderemos crear pontes entre proxectos parecidos.