Entrevistas 2022
Asoc. Cult. "Segredos de Pantón"
Santa María do Basillao
Historia
Antigamente a igrexa da parroquia do Castro de Ferreira atopábase noutro lugar, así a parroquia Santa María de Ferreira de Pantón era Santa María do Basillao. Desta maneira aparecía reflexado en 1180 nun documento firmado por Fernando II, no que este lle cedía os dereitos que tiña na igrexa de Santa María de Basillao á condesa dona Fronilde. O lugar que ocupaba este templo era ao carón dos Castriños no punto da "Igrexa Vella", que aínda para certa xente da Capa e do Basillao é o nome dese sitio.
Incluso fai pouco no retablo vello da igrexa actual do Castro de Ferreira, había unha táboa que dicía:
"traslado-se aquí la yglesia el año 1796, siedno el papa Pío VI, Obispo de Lugo D. Phelipe Peláez, y Cura D. Juan de Vila y Puga. Tuvo de coste 24.000 reales; dió el Cavildo de Lugo 3.000 reales y los restantes el cura a excepción de 5.000 que dieron los feligreses..."
Ademáis moitos lembran ver que a xente ao traballar esa leira, atopaba numerosos ósos.
Imaxe dun dos fustes do antigo templo.
Outros dos fustes do templo, ámbolos 2 atópanse na aldea da Lavandeira.
Restos do antigo templo
Do anterior templo da parroquia de Santa María do Castro de Ferreira, aínda se conservan restos.
Así diante do lugar dos Castriños consérvase a tapa dun sártego cunha espada grabada nela. A maiores, na aldea veciña de Lavandeira, podemos atopar ámbolos dous fustes que se conservan da anterior igrexa e un sártego empregado no seu tempo coma bebedoiro pro gando.
Unha imaxe do sártego na aldea da Lavandeira.
Unha tampa dun sártego que podemos atopar no lugar dos Castriños
Localización
Aquí amosamos o lugar onde estaría situado o anterior templo da parroquia de Santa María do Basillao.